
Tækninýjungar fyrir fullkomna ánægju
Allt gerist þetta inni í GIGA X8c: Nákvæm, stöðug og jöfn mölun til margra ára næst með tveimur afkastamiklum keramikkvörnum. Mölunin er sjálfvirk og rafstýrð þökk sé mikilvægri tækninýjung A.G.A.© (sjálfvirk aðlögun mölunar). Púlsuppáhelling tryggir fullkomna lengd uppáhellingar fyrir stutta kaffidrykki, sem skilar sér í enn öflugri og bragðbetri espresso og ristretto. GIGA X8c töfrar líka fram alla vinsælustu drykkina með mjólk og mjólkurfroðu á fullkominn hátt þökk sé fínfroðutækni og hæðarstillanlegum kaffistútum. Hraðauppáhelling á kaffi tryggir síðan kaffi í bollann á mettíma. Aukið afl sameinað hæstu gæðum – það er nýja GIGA X8c. 4.3" TFT háskerpu lita- og snertiskjárinn er bæði einfaldur í notkun og algjörlega snjall. Affallsbakka má setja í uppþvottavél og hann er hægt að fjarlægja og tæma með annarri hendi. Þungamiðja affallsbakkans er staðsett á fullkomnum stað til þess að koma í veg fyrir að það skvettist upp úr honum. Einföld, hreinleg, hraðvirk, þægileg – þessi einkennisorð eru innlimuð í alla hluta kaffivélarinnar alveg niður í minnstu smáatriði.

TÜV skírteini fyrir hreinlæti
Viðhald kaffivélarinnar GIGA X8c er alveg jafn einfalt, rökrétt og snjallt eins og notkun hennar. Innbyggð skol- og hreinsikerfi ásamt sérþróuðum rekstrarvörum fyrir JURA kaffivélar, tryggja TÜV skírteini fyrir hollustu og hreinlæti. Jafnvel þrif á mjólkurleiðslum eru sjálfvirk og sett af stað með einum hnappi. Auðvelt er að taka sterkbyggða, tvöfalda kaffistútinn í sundur fyrir þrif. Aðgengi að mjólkurstút er að framanverðu inni í tvöfalda kaffistútnum, en auk góðs aðgengis er auðvelt að skipta um mjólkurstútinn ef þörf er á.

Jafn einstök og þínar þarfir eru
Mögulegt er að nota GIGA X8c staka eða tengja hana við aukahluti eins og bollahitara, mjólkurkæli eða myntmæli sem eru sérstaklega hannaðir fyrir JURA professional kaffivélar. Þannig er hægt að búa til klæðskerasniðna heildarlausn varðandi kaffi fyrir fjölbreyttar aðstæður. Einnig er handhægt að aðlaga kaffivélina að auknum kröfum.
