Fara í meginmál

Umhverfisstefna

Umhverfismál hafa alla tíð verið stjórnendum Eirvíkur hjartfólgin og sú samfélagslega ábyrgð sem öll bera í sínu daglega lífi og starfi. Starfsfólk Eirvíkur er frætt reglulega um sjálfbærni, hvernig við getum dregið úr orku- og vatnsnotkun, minnkað úrgang og flokkað allt sem fellur til á réttan hátt.

Stefna í umhverfismálum

Umhverfisstefna Eirvíkur er sett fram til að leggja áherslu á umhverfissjónarmið og tryggja að þau séu höfð að leiðarljósi í daglegum rekstri félagsins.

Eirvík skuldbindur sig til að fylgja öllum lagakröfum á sviði umhverfismála og hafa umhverfismál til hliðsjónar í rekstri félagsins. 

Félagið skuldbindur sig til að vinna markvist að því að lágmarka neikvæð umhverfisáhrif í rekstri félagsins.

Markmið Eirvíkur ehf í umhverfismálum

  • Starfa samkvæmt lögum og reglum sem gilda um umhverfisvernd á Íslandi og leita stöðugt leiða til að spara orku, minnka úrgang og starfa í sátt við umhverfi fyrirtækisins.
  • Taka virkan þátt í flokkun og endurvinnslu úrgangs.
  • Innkaup Eirvíkur og rekstur taka mið af umhverfissjónarmiðum þar sem því er komið við.
  • Veljum birgja sem framleiða vörur á sem umhverfisvænasta hátt.
  • Spilliefnum verði skilað til viðurkenndra aðila.
  • Efla umhverfisvitund starfsmanna.